Lifðu lífinu



lifandi. Af hverju er fólk alltaf að segja þetta við hvert annað sí ofan í æ? Það er ekki eins og að maður geti lifað lífinu dauður. Sá maður þætti að öllum líkindum ekki stíga í vitið ef hann væri hlaupandi um og segði halló ég lifi lífinu lifandi en er samt dauður. Þannig að þetta er eiginlega jafnlélegur frasi og þessi: Þú opnar Ora dós og gæðin koma í ljós. Ef maður opnar Ora dós sem er til dæmis full af bökuðum baunum þá er ekkert eins og það hellist yfir mann tilfinnging sem lyftir manni á æðra tilverustig. Spurningin er hversu langt maður getur gengið í því að tala um gæði þegar umræðuefnið eru bakaðar baunir og tómatsósa í niðursuðudós.